"Neftçi" futbol üzrə Azərbaycan Kubokunda 1/4 finala yüksəlib.
seher.media xəbər verir ki, 1/8 final oyununda "Difai" komandasını qəbul edən "ağ-qaralar" 6:0 hesablı qələbə qazanıb.
Paytaxt təmsilçisinin heyətində Yeqor Boqomolski (21, 66), Murad Məmmədov (25), Yuri Matias (27), Ağadadaş Salyanski (57) və Andrey Ştoqrin (63) fərqlənib.
Bu nəticənin ardından "Neftçi" növbəti raundda "Kəpəz"lə qarşılaşacaq.
Futbol üzrə Azərbaycan Kubokunun 1/8 finalının ikinci oyun günündə daha iki görüşə start verilib.
seher.media bildirir ki, Zirə İdman Kompleksində "Zirə" "Şamaxı"nı qəbul edir.
Oyunu canlı yayımda izləyə bilərsiniz:
Eyni zamanda, Mehdi Hüseynzadə Sumqayıt şəhər stadionunda "Sumqayıt"la MOİK qarşılaşır:
Futbol üzrə Azərbaycan Kubokunun 1/8 finalının ikinci oyun günündə növbəti görüşə start verilib.
seher.media bildirir ki, "Neftçi Arena" stadionunda "Neftçi" "Difai Ağsu"nu qəbul edir.
Oyunu canlı yayımda izləyə bilərsiniz:
Azərbaycan Kubokunun 1/8 final mərhələsinin ikinci oyun gününə iki görüşlə start verilib.
seher.media xəbər verir ki, "Qarabağ" "Qəbələ"ni 2:0, "Kəpəz" isə "İmişli"ni 1:0 hesabı ilə məğlub edib.
"Qəbələ" - "Qarabağ" oyununda hesabı 7-ci dəqiqədə Abdulla Zubir açıb. 90+1-ci dəqiqədə isə Murad Musayev öz qapılarına vurduğu qolla qonağın 1/4 finala çıxmasını təmin edib.
"Kəpəz" - "İmişli" görüşündə isə yeganə qolun müəllifi 85-ci dəqiqədə Kərim Lekuça olub. O, penalti zərbəsini dəqiq yerinə yetirib.
Xatırladaq ki, "Qarabağ" 1/4 finalda "Səbail"lə qarşılaşacaq. "Kəpəz" isə "Neftçi" - "Difai Ağsu" cütünün qalibi ilə qarşılaşacaq.
Futbol üzrə Azərbaycan Kubokunda 1/8 final görüşləri keçirilir.
seher.media bildirir ki, eyni zamanda iki oyun başlayıb.
Qəbələ şəhər stadionunda "Qəbələ" "Qarabağ"ı qəbul edir:
Tovuz şəhər stadionunda isə "Kəpəz" "İmişli"ni sınağa çəkir:
Bu gün Azərbaycan Kubokunda 1/8 final görüşlərinə beş görüşlə yekun vurulacaq.
seher.media xəbər verir ki, "Qəbələ" "Qarabağ"ı, "Kəpəz" "İmişli"ni, "Neftçi" "Difai Ağsu"nu, "Sumqayıt" MOİK-i, "Zirə" isə "Şamaxı"nı qəbul edəcək.
Xatırladaq ki, ilk oyun günündə "Araz-Naxçıvan" "Mingəçevir"i 3:1, "Səbail" "Qaradağ Lökbatan"ı 2:0 hesabı ilə məğlub edib. "Turan Tovuz" - "Sabah" matçı 2:2 hesablı heç-heçə ilə yekunlaşdığından qalibin adına penaltilər seriyasında aydınlıq gətirilib. Burada daha güclü olan "Sabah" 1/4 final mərhələsinə yüksəlib.
Qeyd edək ki, 1/4 finalda "Zirə" - "Şamaxı" cütünün qalibi "Araz-Naxçıvan"la, "Qəbələ" - "Qarabağ" görüşünün qalibi "Səbail"lə, "Kəpəz" - "İmişli" matçının qalibi "Neftçi" - "Difai Ağsu" cütünün qazananı ilə, "Sumqayıt" - MOİK qarşılaşmasının qalibi isə "Sabah"la üz-üzə gələcək.
