1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Dekabr ayında tikilmiş yeni məktəblə bağlı valideynlərin narazılığı davam edir.
Valideynlərin sözlərinə görə, məktəbin təməl problemləri var. Binada işıq sistemi tam quraşdırılmayıb, elektrik naqilləri yerə səpələnmiş vəziyyətdədir. Qar yağdığı halda, bu naqillər təhlükə yarada bilər.
"Sabah qar bu naqilləri örtəndə hansısa uşağın həyatına ziyan gələrsə, buna kim cavab verəcək?", - valideynlərdən biri narahatlığını ifadə edib.
Məktəbin digər problemləri də narazılığa səbəb olur. Tualetlər istifadəyə yararsızdır, dam örtüyü isə hər yerdən su buraxır. Hətta direktor otağı belə yağışdan qoruna bilmir.
Valideynlər deyirlər ki, siniflərdə istilik yoxdur, uşaqlar soyuqda dərs keçmək məcburiyyətində qalırlar:
"İki övladım bu məktəbdə oxuyur. Amma bu vəziyyətdə uşaqları dərsə göndərmək çətindir, çünki soyuq səbəbindən xəstələnirlər".
Məktəbdə yazı yazmaq üçün istifadə edilən avadanlıq da yararsızdır.
Valideynlər bu problemlərin tezliklə aradan qaldırılmasını və məktəbin təhlükəsiz, istifadəyə tam yararlı hala gətirilməsini tələb edirlər.
Ətraflı Baku TV-nin süjetində:
