ABŞ 2025-ci il üçün neftin qiyməti ilə bağlı proqnozlarını aşağı salıb.
Marja xəbər verir ki, ABŞ-ın Enerji İnformasiya Administrasiyası (EIA) "Dekabr 2024 Qısamüddətli Enerji bazarı proqnozları Hesabatına" görə, gələn il neft bazarlarınının nisbətən tarazlaşacağı fərz edilir. Brent tipli xam neftin barrel qiymətinin cari səviyyələrə yaxın səviyyələrdə olacağı gözlənilir.
Neft İxrac Edən Ölkələr Təşkilatı (OPEC) və bəzi qeyri-OPEC istehsalçı ölkələrindən ibarət OPEC+ qrupunun hasilatı 2025-ci il ərzində yeni hədəf səviyyələrə çatdıracağı və qlobal neft ehtiyatlarının sonda indiki səviyyələrə yaxın qalacağı gözlənilir.
Ehtiyatların birinci rübdə OPEC+ ixtisarı ilə gündəlik təxminən 700 min barel azalacağı, ilin qalan hissəsində isə OPEC+ və qeyri-OPEC+ ölkələrində hasilatın artması ilə gündəlik təxminən 100 min barel artacağı təxmin edilir. Bu artımlarla Brent markalı neftin barel qiymətinin 2025-ci ildə bu ilki orta səviyyə olan 80 dolların aşağı qalacağı hesablanır.
Müvafiq olaraq, gələn il Brent markalı neftin orta qiymətinin 73,58 dollar/barel olacağı gözlənilir. Əvvəlki hesabatda bu rəqəm 76,06 dollar/barel olaraq qiymətləndirilmişdi.
West Texas Intermediate (WTI) xam neftinin orta barel qiymətinin 69,12 dollar civarında olacağı gözlənilir. Sözügedən rəqəm keçən ay 71,60 dollar olaraq hesablanıb.
Bu il üçün EIA Brent markalı neftin orta barel qiymətini aşağı salaraq 80,49 dollara, WTI markalı xam neftin qiymətini isə 76,51 dollara qədər yenidən nəzərdən keçirib.
Hesabata görə, qiymətlər üçün əsas risklər Yaxın Şərqdəki münaqişələr və OPEC+ üzvlərinin hasilatın azaldılması öhdəliyidir.
ABŞ-da bu il orta gündəlik xam neft hasilatının təqribən 13 milyon 240 min barrel olacağı gözlənilir. Bu rəqəm keçən il təxminən 12 milyon 930 min barel təşkil edib. 2025-ci ildə hasilatın 13 milyon 520 min barrelə yüksələcəyi hesablanır.
Keçən ayın hesabatında bu il üçün rəqəm 13 milyon 230 min barrel, gələn il üçün isə 13 milyon 530 min barel olaraq nəzərdə tutulmuşdu.
Qlobal neft hasilatının bu il gündəlik 102 milyon 590 min barrel, gələn il isə 104 milyon 240 min barrel olacağı proqnozlaşdırılır.
Digər tərəfdən qlobal neft istehlakının bu il gündəlik 103 milyon 30 min barrel, gələn il isə 104 milyon 320 min barrel təşkil edəcəyi təxmin edilir.
