İsmayıllıda yaşayış evində yanğın hadisəsi baş verib, bir nəfər yanıq xəsarətləri ilə rayon mərkəzi xəstəxanasına çatdırılıb. SİA xəbər verir ki, gecə saatlarında İsmayıllı rayonu Mecəftəran kəndində, kənd sakini 1967-ci il təvəllüdlü İbrahimov İlahət Nurəhməd oğluna məxsus yaşayış evində yanğın hadisəsi baş verib.
Yanğın yerinə İsmayıllı rayon Yanğından Mühafizə Hissəsinin yanğınsöndürmə texnikaları cəlb olunub.
Yanğın zamanı ümumi sahəsi 160 k/m olan yaşayış evi içərisində olan əşyaları ilə birlikdə tamamilə yanıb. Yaxınlıqdakı tikililər yanğından mühafizə olunub. Yanğın zamanı 1994-cü il təvəllüdlü İbrahimov Camal İlahət oğlu yüngül dərəcəli yanıq xəsarəti alıb.
