Rusiyanın Moskva şəhəri yaxınlığındakı Sergiev Posad qəsəbəsində tikinti qoşqusunda kişi və qadın cəsədi tapılıb. Onlar qismən pişiklər tərəfindən yeyilib və meyitlərdə donma əlamətləri aşkarlanıb.
Lent.az yerli KİV-ə istinadla bildirir ki, meyitlər dostlarını ziyarət etməyə gələn bir adam tərəfindən tapılıb. Onun sözlərinə görə, kişi və qadın təxminən iki həftə əvvəl sağ olublar. O əlavə edib ki, mərhum aşağı ətraflarını don vurduğu üçün uzun müddət evdən çıxmayıb.
Hüquq-mühafizə orqanları bu hadisə ilə bağlı araşdırmalara başlayıb. Onların ölüm şəraiti və səbəbləri dəqiqləşdirilir.
