Avstraliya Təhlükəsizlik Kəşfiyyat Xidmətinin rəhbəri Mayk Burgess hesab edir ki, süni intellektin inkişafı düşmənlərin imkanlarının artmasına və nəticədə daha intensiv casusluğa və dezinformasiyanın yayılmasına səbəb ola bilər.
HİT.az xəbər verir ki, bu barədə "Bloomberg" məlumat yayıb.
Burgessin sözlərinə görə, internet artıq dünyada ekstremizmin güclü mənbəyinə çevrilib və süni intellekt insanların radikallaşmasını asanlaşdıra bilər. O ehtiyat edir ki, süni intellektdən istifadə "Avstraliya düşmənlərinə" öz imkanlarını genişləndirməyə imkan verəcək.
Əvvəllər oxşar narahatlıqları ABŞ Federal Təhqiqatlar Bürosunun və Britaniyanın Mİ5-in rəhbərləri də dilə gətiriblər. Qərb kəşfiyyat agentlikləri hesab edir ki, terrorçular müasir texnologiyadan istifadə edərək kəşfiyyatın indiyədək heç vaxt qarşılaşmadığı təhlükə səviyyəsi yaradır.
Burgess texnoloji şirkətləri dövlət qurumları ilə işləməyə və onlara istifadəçi məlumatlarını qoruyan uçdan-uca şifrələməyə çıxışı təmin etməyə çağırıb. O, hesab edir ki, hesab olunmayan şifrələmə terrorçular və casuslar üçün təhlükəsiz sığınacaq yaradır ki, orada onlar öz hərəkətlərini cəzasızlıqla planlaşdıra bilərlər.
Aprel ayında Avstraliyada iki terror aktı baş verib: bir halda yepiskop bıçaqla silahlanmış şəxs tərəfindən hücuma məruz qalıb, digərində isə terrorçu ticarət mərkəzinə gələnlərə bıçaqla hücum edib.
Samir
