Finlandiyanın Rusiya Federasiyası ilə sərhədini qismən açmağa cəhd etmək, “sığınacaq axtaranlarla bağlı qanun” qəbul edildikdə mümkün olacaq.
Publika.az xəbər verir ki, bu barədə Finlandiyanın baş naziri Petteri Orpo “Yle Radio Suomi”yə müsahibəsində bildirib.
Orpo deyib ki, kəşfiyyat məlumatlarına görə, Rusiya siyasətini dəyişməyib və sərhəddəki vəziyyət dəyişməz olaraq qalır. Yazın gəlişi ilə qeyri-qanuni sərhəd keçidlərinin artmamasına baxmayaraq, Rusiyada minlərlə insan hələ də Finlandiya sərhədini keçmək fürsətini gözləyir.
“Sərhəd keçidini açsaq, demək olar ki, insanların oraya gələcəyinə inanmaq üçün hər cür əsas var. Sığınacaq axtaranların Rusiyaya qaytarılmasını nəzərdə tutan qanun layihəsi gələn həftə parlamentə təqdim olunacaq. Qanun qəbul edildikdə, biz sərhədi aça, ordan keçən nəqliyyat yolunu bərpa edə bilərik".
Baş nazirin sözlərinə görə, Finlandiyanın vəziyyəti normallaşdırmaq istəyi var, lakin hər şey Rusiyadan asılıdır.
