Müəllif:Ayşən İmanova/Banco.az
Amerikanın “Meta” şirkəti müvafiq icazə olmadan milyonlarla vətəndaşdan biometrik məlumatların toplanması ilə bağlı iddiaları həll etmək üçün ABŞ-nin Texas ştatına 1,4 milyard dollar ödəməyə razılaşıb.
Banco.az xəbər verir ki, bu barədə “Financial Times” yazır.
Texasın baş prokuroru Ken Paxtonun sözlərinə görə, bu, ABŞ tarixində fərdi əyalət məhkəmələri üçün ən böyük hesablaşma ödənişidir.
2022-ci ilin fevralında açılan iddiaya görə, “Facebook”un üz tanıma sistemi sosial şəbəkədəki foto və videolardan milyonlarla Texaslının biometrik məlumatlarını onların məlumatlı razılığı olmadan toplayıb.
“Meta” münaqişənin həllindən məmnun olduğunu və Texasda məlumat mərkəzlərinin inkişafına investisiya yatırmağa davam etməyə hazır olduğunu bildirib.
