Ukrayna Silahlı Qüvvələri Rusiyanın Rostov vilayətində neft bazasına hücum edib.
Senzor.az yerli KİV-ə istinadən bildirir ki, Kamenski rayonunun Molodyojnı kəndi yaxınlığında yerləşən neft bazasına hücum gecə saat 3 radələrində baş verib.
Hücum zamanı iki pilotsuz təyyarə neft bazasının ərazisinə düşüb. Yanğın başlayıb.
Faktı regionun başçısı Vasili Qolubev də təsdiqləyib.
Ölən və yaralananların olmadığı bildirilir. Hazırda hadisə yerində iki yanğınsöndürmə briqadası işləyir.
