Moldovada prezident seçkilərinin ikinci turunda səsvermə başa çatıb.
Modern.az-ın məlumatına görə, seçki məntəqələri yerli vaxtla saat 21:00-da seçki məntəqələri bağlanıb.
Mərkəzi Seçki Komissiyasının saytındakı məlumatlara görə, seçkilərdə aktivlik 54,09% təşkil edib.
Məlumata görə, seçkilərdə 1,6 milyondan çox insan iştirak edib. Prezident seçkilərinin birinci turunda yekun seçici fəallığı 51,6% idi.
Qeyd olunur ki, bir sıra Qərb ölkələrində ikinci turda səsvermə davam edəcək.
İkinci turun namizədləri arasında hazırkı prezident Maia Sandu və keçmiş baş prokuror Aleksandr Stoyanoqlo var. Birinci turda xanım Sandu 42,49%, rəqibi isə 25,95% səs toplayıb. Namizədlərdən heç biri 50%-lik baryeri keçə bilmədiyi üçün ikinci tur elan edilib.
