Co Baydenin oğlu Hunteri əfv etmək qərarı sui-istifadənin və ədalətin pozulmasının bariz nümunəsidir.AFN.az xarici mediaya istinadən xəbər verir ki, bunu ABŞ-ın yeni seçilmiş prezidenti Donald Tramp deyib."Co Hunterə verilən əfv bir neçə ildir həbsdə olan "6 yanvar girovları"nı da əhatə edir? Bu cür sui-istifadə və ədalətin pozulmasının baş verməsi təəssüf doğurur!" – deyə Tramp "Truth" sosial şəbəkəsində yazıb.Qeyd edək ki, "6 yanvar girovları" dedikdə 2021-ci il yanvarın 6-da Kapitoliyə basqın edən və saxlanılan şəxslər nəzərdə tutulur. Tramp və onun tərəfdarları onlara siyasi məhbus kimi baxıldığını deyirlər.
