Baş nazirin müavini Aleksandr Novak Monqolustan ərazisindən 50 milyard kubmetr qaz ötürmə qabiliyyətinə malik qaz kəmərinin tikintisini xatırladıb.
Rusiya baş nazirinin müavini Aleksandr Novak “Rossiya 1” telekanalında bildirib ki, Rusiya yaxın vaxtlarda Monqolustandan keçməklə Çinə “Sibirin Gücü 2” qaz kəmərinin tikintisinə dair müqavilə imzalamağı gözləyir.

"Biz, həmçinin, yaxın vaxtlarda Monqolustan ərazisindən 50 milyard kubmetr qaz ötürmə qabiliyyətinə malik qaz kəmərinin tikintisinə dair nəzərdən keçirməyi və müqavilə imzalamağı planlaşdırırıq. Digər yeni layihələr də var", - o deyib. .

2023-cü il dekabrın sonunda Novak bildirib ki, “Qazprom” və Çin CNPC “Sibirin Gücü-2” layihəsinin həyata keçirilməsi üçün iqtisadi və kommersiya şərtləri haqqında sazişi yekunlaşdırır. “Sibirin gücü-2” hissəsinin Monqolustan ərazisindən keçməsi üçün layihə-axtarış işləri də aparılırdı.

“Sibirin gücü-2” Qərbi Sibir ərazisindən Çinə keçəcək qaz kəmərinin layihəsidir. Onun maksimal gücü ildə 50 milyard kubmetr qaz təşkil edəcək. Boru kəməri Yamal yarımadasında və Yamalo-Nenets Muxtar Dairəsinin Nadim-Pur-Taz bölgəsində hasil edilən qazı təmin edəcək.


aia.az
Tərcümə şöbəsi