Amerikanın sabiq birinci xanımı Mişel Obama 2024-cü il prezident seçkilərində demokratların namizədi olsaydı, Amerika seçicilərinin 50 faizi ona səs verərdi.

Reyting.az-ın xəbərinə görə, bunu “Ipsos” sosioloji xidmətinin keçirdiyi sorğunun nəticələri sübut edir.

Araşdırmaya görə, əgər Mişel Obama ilə eks-prezident Donald Tramp prezidentlik uğrunda mübarizə aparsaydılar, respondentlərin 50 faizi keçmiş birinci xanımı dəstəkləyər və amerikalıların yalnız 39 faizi keçmiş respublikaçı lideri Trampa səs verərdi. Üstəlik, əgər siz Tramp və hazırkı lider Bayden arasında seçim etsəniz, o zaman amerikalılar səslərini bərabər paylayacaqlar: Tramp üçün 40 faiz, Bayden üçün 40 faiz.

Sorğu iyulun 1-2-də 1070 amerikalı arasında keçirilib.

Qeyd edək ki, mart ayının əvvəlində NBC telekanalı Mişel Obamanın ofisinə istinadla bildirmişdi ki, ABŞ-nın keçmiş birinci xanımı 2024-cü ildə prezidentliyə namizəd olmayacaq.

ELÇİN