Məşhur türkiyəli aktyor məhkəməyə verilir

Məşhur türkiyəli aktyor Kadir Doğulu məhkəməyə verilə bilər.

Bu barədə Oxu.Az "Haberler.com"a istinadən xəbər verir.

Məlumata görə, aktrisa Neslihan Atagüllə xoşbəxt evliliyik yaşayan və ata olmağa hazırlaşan aktyor iqtisadi çətinlik səbəbindən prodüser şirkətinin ofisini bağlayıb.

İşdən çıxarılan və üç aydır maaşlarını ala bilməyən işçilər isə məhkəməyə müraciət etmək qərarına gəliblər.

Qeyd edək ki, Kadir Doğulu həyat yoldaşı Neslihan Atagülün dəstəyi ilə ortaqları ilə birlikdə "Alim Yapım" adlı şirkət qurmuş və ard-arda layihələr çəkmişdi. Prodüser şirkəti sonuncu dəfə Alperen Duymaz, Engin Öztürk və Büşra Develinin rol aldığı "Aşkın pusula" serialını çəkmiş, lakin 7-ci seriyada fasilə vermişdi.