Uşağına yemək yedirməkdə çətinlik çəkən valideynlər nəticələrini heç düşünmədən onlara sevdikləri cizgi filmləri izlədirlər.
Lent.az-ın xarici mediaya istinadən məlumatına görə, mütəxəssislər bu məsum əyləncənin arxasında həqiqətən nəyin gizləndiyini açıqlayırlar.
Niyə yemək yeyərkən uşaqlara cizgi filmləri göstərməməlisiniz?
1. Bu anlarda uşağın diqqəti qidaya deyil, cizgi filminə yönəlir ki, bu da həzm proseslərinin pozulmasına gətirib çıxarır.
Bu, elmi cəhətdən sübut edilmiş faktdır. Yeməyin düzgün həzm edilməsi qidaya diqqət yetirməklə asanlaşdırılır.
2. Eyni zamanda televizorun qarşısında qeyri-sağlam yemək vərdişi formalaşır ki, bu da gələcəkdə televizor olmayan şəraitdə uşağın qidalanmasına təsir edəcək.
3. Şüurlu qidalanma haqqında söhbət gedə bilməz. Çünki bu, yalnız uşaq sakit bir atmosferdə yemək yedikdə mümkün olur.
Yemək yeyərkən nitq və ya zehni inkişafda problem varsa, cizgi filmlərinin təhlükələrini xatırlamaq lazımdır.
Belə vəziyyətlərdə emosional əlaqəni gücləndirmək barədə düşünməlisiniz.
