Mixail Kavelaşvili Gürcüstanın altıncı prezidenti olacaq. O, 300 seçicidən 224 səs toplayıb.
Msport.az Gürcüstan KİV-lərinə istinadən xəbər verir ki, bu barədə Gürcüstan Mərkəzi Seçki Komissiyası məlumat yayıb.
M.Kavelaşvilinin andiçmə mərasimi dekabrın 29-da keçiriləcək. Mixail Kavelaşvili futbol üzrə Gürcüstan milli komandasının keçmiş hücumçusudur. 2016-cı ildən Gürcüstan parlamentinin üzvüdür. 20 mart 2024-cü ildən Xalqın Gücü Partiyasının siyasi katibidir.
Kavelaşvili 22 iyul 1971-ci ildə Bolnisidə anadan olub. 1989-cu ildə Tiflis Dövlət Universitetinin İqtisadiyyat fakültəsinə daxil olub və 1990-cı ildə onun uğurlu idman karyerası başlayıb. 1988-ci ildən 1995-ci ilə qədər futbolçu Tiflis “Dinamo”sunda çıxış edib, daha sonra Vladiqafqazın “Alaniya”sına keçib, “Mançester Siti”, “Qraşofer” və bir sıra digər Avropa klublarında çıxış edib.
