Böyük Britaniyada yerləşən "International SOS"un illik interaktiv xəritəsi səyahətçilərin təhlükəsizlik təhdidləri ilə daha çox qarşılaşdıqları yerləri açıqlayıb.
"Unikal" xəbər verir ki, xəritədə səyahətçilərin bu il iqlim dəyişikliyinin təsiri ilə bağlı siyasi zorakılıq, sosial iğtişaşlar, kiçik cinayətlər və təhlükəsizlik təhdidləri ilə daha çox qarşılaşacaqları yerlər göstərilir.
Ziyarət etmək üçün ən təhlükəsiz yerlər Qrenlandiya, Finlandiya, Norveç, İslandiya və Lüksemburqdur. Siyahıda Türkiyə narıncı rənglə göstərilən orta təhlükəsizlik ölkələri arasında yer alıb. Bunun əksinə olaraq, Liviya, Cənubi Sudan, Suriya, Ukrayna və İraq da daxil olmaqla, təhlükəsizlik baxımından həddindən artıq risklərlə ziyarət etmək üçün ən təhlükəli ölkələr sırasındadır.
Həmçinin, şirkət Qəzza, Livan, Rusiya və Afrikanın Sahel bölgəsində yeni və inkişaf edən münaqişələrin bu ölkələr üçün risk reytinqini necə artırdığına diqqət çəkib.
Venesuela, Honduras və Haiti kimi Mərkəzi və Cənubi Amerika ölkələrində iğtişaşların davamlı artmasından sonra səyahətçilər üçün təhlükəsizlik riski "yüksək" olaraq qiymətləndirilir.
Sağlamlığa gəldikdə, tibbi problem və ya xəstəliklərin inkişaf riski ən yüksək olan ölkələr arasında Afrika ölkələri Niger, Sudan, Liviya, Mərkəzi Afrika Respublikası, Somali və Sierra Leone var. Yəmən İraq, Suriya və Şimali Koreya ilə birlikdə sağlamlıq baxımından yüksək riskli ölkə olaraq xarakterizə edilir.
Reytinqin digər ucunda xəstəlik riski az olan yerlər əsasən Avropa, Kanada, ABŞ, Yeni Zelandiya, Avstraliya, Cənubi Afrika və Çilidədir.
