Azərbaycan Kubokunda ən məhsuldar yarımfinal qeydə alınıb.
Sfera.az xəbər verir ki, yarımfinal mərhələsində 14 qol vurulub.
Belə ki, “Qarabağ”la “Neftçi”nin görüşlərində (4:0, 4:1) doqquz, “Zirə”ylə “Qəbələ”nin matçlarında (2:1, 2:0) beş top qeydə alınıb. Bu, turnirin tarixində mütləq rekorddur.
Qeyd edək ki, indiyədək yarımfinalda ən çox qol 1994/95 və 2008/09 mövsümlərində vurulub. Hər iki halda bu rəqəm 13-ə bərabər olub.
“Qarabağ”la “Neftçi”nin dueli isə turnirin tarixində ən məhsuldar və ən böyük fərqin təkrar qeydə alındığı yarımfinaldır. 2021/22 mövsümündə “Qarabağ” “Qəbələ”ni 3:1 və 5:0 hesabları ilə məğlub edib.
Firuzə Əliyeva
