Yaponiya hakimiyyəti sakinlərə xəbərdarlıq edib. Xəbərdarlıq ondan ibarətdir ki, vəhşi ayılar ölkənin şimal-şərqində bir neçə nəfərə, o cümlədən polislərə hücum ediblər. Bu hadisədən sonra heyvanlar yenidən küçələrdə peyda ola bilərlər.
Herbiand.az bildirir ki, bu barədə AP yerli mətbuata istinadən xəbər verib.
Hündürlüyü təxminən 50 santimetrə çatan ayılar Akita və Fukusima prefekturaları da daxil olmaqla bu ərazidə müşahidə olunub.
Yapon mediası xəbər verir ki, şənbə günü Akita əyalətinin Kadzuno şəhərində itkin düşən şəxsi axtaran iki polis əməkdaşına hücum olub. Polislərin həyatına təhlükə olmasa da, vəziyyətləri ağırdır.
İtkin düşən şəxs isə bir neçə gün əvvəl bambuk tumurcuqlarını ovlamaq üçün dağlara gedib və dərin yaralarla ölü vəziyyətdə tapılıb. Lakin onun ayı hücumu nəticəsində öldüyü hələlik məlum deyil.
Bu hadisədən sonra Kazudnodakı bəzi meşə sahələri qeyri-müəyyən müddətə bağlanıb. Ayıların tapmaq üçün patrul maşınları və helikopter göndərilib.
Yaponiyanın vəhşi təbiətində minlərlə qara Asiya ayısı yaşayır. Ayıların yaşayış yerləri ilə insan evləri arasındakı məsafə azaldıqca hücumların sayı artır. İqlim dəyişikliyi ilə bağlı ola biləcək giləmeyvə və digər qida məhsullarının çatışmazlığı da ayıların hücumlarının artmasına səbəb olur.
Bəxtiyar CƏFƏRLİ
