"Formula-1" üzrə "Ferrari" komandasının ispaniyalı pilotu Karlos Sayns 2025-ci ildən "Williams" komandasının nailiyyətləri üçün mübarizə aparacaq.
Pilot yeni komandası ilə müqavilə imzalayıb.
Saynsın "Ferrari" ilə razılaşması 2024-cü il mövsümünün sonunda başa çatır. Gələn ildən etibarən Saynsın yerini yeddi qat dünya çempionu britaniyalı Lyuis Hamilton tutacaq.
Qeyd edək ki, Saynsın 29 yaşı var. Onun Qran-pri mərhələlərində üç qələbəsi var. Ümumilikdə ispaniyalı 23 dəfə podiuma qalxıb. Bu mövsüm o, ümumi sıralamada beşinci yeri tutur. Sayns əvvəllər "Toro Rosso", "Renault" və "McLaren" komandalarında çıxış edib.
