1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İsrailin yüksəkrütbəli rəsmiləri Bəşər Əsədin Suriyada hakimiyyətdən uzaqlaşdırılmasının nəticələri barədə İordaniya hərbi rəhbərləri ilə gizli danışıqlar aparıblar.
Oxu.Az xəbər verir ki, bu barədə "Axios" məlumat verib.
Danışıqlarda İsraili Daxili Təhlükəsizlik Xidmətinindirektoru Ronen Bar və Hərbi Kəşfiyyat İdarəsinin rəhbəri Şlomi Binder təmsil edib. Qeyd olunur ki, onlar İordaniya Baş Kəşfiyyat Xidmətinin rəhbəri Əhməd Hüsni və hərbi komandirlərlə görüşüblər.
"Axios" İsrail rəsmilərinə istinadən yazır ki, tərəflər Suriyanın keçid hökumətini təşkil edən üsyançılarla qarşılıqlı əlaqəni, həmçinin İran tərəfindən artan silah qaçaqmalçılığı təhlükəsini müzakirə ediblər.
İsrail və İordaniya hakimiyyət orqanları görüşü rəsmi olaraq təsdiqləməyib.
Bildirilir ki, İordaniya İsrail və ABŞ-nin Yaxın Şərqdə əsas hərbi və strateji müttəfiqidir və üsyançılarla, o cümlədən "Həyat Təhrir əş-Şam" terror qruplaşması ilə əsas əlaqə kanalı kimi çıxış edir.
