"Bavariya"nın futbolçusu Erik Şupo-Motinq mövsümün sonunda klubu tərk edə bilər. Futbolpress.az xəbər verir ki, 34 yaşlı hücumçu ilə "Barselona" yaxından maraqlanır. Bu barədə İspaniya mətbuatı məlumat yayıb. Erikin Münhen təmsilçisi ilə müqaviləsi mövsümün sonunda başa çatır. Kataloniya klubu kamerunlu forvardı azad agent kimi heyətinə qatmaq istəyir. Şupo-Motinq bu mövsüm "Bavariya" ilə 27 oyunda 3 qol vurub.