Polis: “Amma biz onun qatil olduğuna inanmaq istəmirdik”.
Dünən günorta saatlarında Xətai rayonunda baş vermiş qətlin şokedici təfərrüatları məlum olub.
Xətai rayonu 36-cı polis bölməsinin əməkdaşları etiraf ediblər ki, heç vaxt belə vəhşi cinayətin törədilməsinin şahidi olmayıblar. Hüquq mühafizəçilərini isə qatil bacının soyuqqanlılığı şok edib.
Əldə edilən məlumata görə, qətl haqqında polis idarəsində günorta saat 14.00-da xəbər tutublar. 13.50-də Günel Nuriyevanın kiçik bacısı, Kooperasiya kollecində təhsil alan Pərvanənin əkizi evə gələrkən qapının bağlı olduğunu görüb və qapını öz açarı ilə açaraq mənzilə daxil olub. Qız dəhlizə girərkən döşəmədə qan ləkələri və sınıq güldan görüb. Nuriyeva dəhşət içində evdən qaçaraq çıxıb. Sonradan o polisdə etiraf edib ki, o dəhşətli bir hadisənin baş verdiyini anlayıb, amma o an bacısı Günelin öldürüldüyünü bilməyib, belə ki, o cəsədi görməyib.
Həyətdə Nuriyeva polisə və ardınca isə oxuduğu musiqi məktəbində olan bacısı Pərvanəyə zəng edib. O, əkiz tayına döşəmədə qan izlərindən danışaraq onun tez evə gəlməsini xahiş edib.
“Pərvanənin gəlişinə qədər artıq polislər həyətdə idilər. Biz qızları içəri buraxmırdıq. Çünki daha öncə qatilin elə doğma bacının olduğu ehtimal etmirdik. Həm də Pərvanə bacısının ölüm xəbərindən şoka düşdüyü təsəvvürünü yaratmışdı”, - şöbədə bildiriblər.
Bununla yanaşı axtarış zamanı Günel Nuriyevanın telefonunun itdiyi məlum olub. Cinayət aləti ilk olaraq qətl yerində tapılmayıb. Günel Nuriyeva çarpayıda əli və ayaqları bağlanmış vəziyyətdə tapılıb. Qətlə yetirilənin bədənində çoxsaylı bıçaq yaraları, eləcə də boğazında kəsik aşkarlayıblar. İlkin olaraq evə qarət məqsədi ilə daxil olunduğu təsəvvürü yaranıb. Sonradan məlum olub ki, qatil məhz bu təsəvvürü yaratmaq istəyib.
Amma qatil bir neçə səhv buraxıb, bu isə təcrübəli əməliyyatçıların diqqətindən qaçmayıb.
Qətl təxminən günorta saat 13.00-da baş verib. Mənzili diqqətlə axtardıqdan sonra polislər paltaryuyan maşının işini yenicə bitirdiyini görüblər. Maşının içində üst qadın paltarları olub. Amma paltar yumaq üçün seçilən rejim şübhə oyadıb.
Maraqlıdır ki, polislər bir neçə saat ərzində qətlə yetirilənin bacıları ilə maraqlanıblar, Pərvanənin üzündə isə heç bir emosiya olmayıb. Qız soyuqqanlılıqla suallara cavab verib. Pərvanə bildirib ki, dərsə saat 10-da gedib. Amma qızların yaşadıqları evin girəcəyində olan kameralarda əks olunan qeyddə tamam başqa bir vaxt görünürdü. Pərvanənin evdən getmə vaxtı məhz mənzildən gələn qışqırıq səslərinin qonşular tərəfindən eşidildiyi zamanla üst-üstə düşürdü.
Əldə edilən bütün dəlillər Pərvanə Nuriyevanın əksinə idi: “Biz hiss edirdik ki, o, nə isə gizlədir. Söhbət zamanı Pərvanənin üzündə qəribə bir təbəssüm var idi. Amma biz onun qatil olduğuna inanmaq istəmirdik. Amma bir neçə saat çarpaz dindirmədən sonra Pərvanə günahını etiraf etdi və bacısını necə öldürdüyünü bizə danışdı. Biz məhz bundan sonra dəhşətə gəldik”, - şöbədə qeyd ediblər.
Pərvanənin sözlərinə görə, bacısı Günel ilə aralarında münaqişə yaranıb. Bu zaman Günel çarpayıda uzanıb. Pərvanə dəli kimi bıçağı götürüb ona hücum edib, Günel müqavimət göstərib. Bundan sonra bacısının ardınca dəhlizə qaçıb. Dəhlizdə bacılar arasında dava düşüb. Amma vəhşiyə dönmüş Pərvanənin əlindən bıçağı almaq mümkün olmayıb. Pərvanə bacısına bir-birinin ardınca zərbələr endirib. Qız o çapalamasın deyə əl və ayaqlarını bağlayıb və sakitcə boğazını kəsib.
Sonra bıçağı yuyub yerinə qoyub. Bacısının mobil telefonunu götürüb və sim kartı çıxarıb. Qana bulaşmış paltarlarını paltaryuyan maşına atıb. Özü isə üstünü dəyişərək evdə dağınıqlıq yaradaraq heç nə olmamış kimi dərsə yollanıb...
Hadisə 2014-cü ildə baş verib.
Mənbə: oxu.az
- Ölkə
- 17 Aprel 2024
