Almaniya 2024/25 mövsümündə xizək sürmə üzrə Dünya Kubokunun mərhələ yarışına ev sahibliyi etməyəcək.
Publika.az xəbər verir ki, bu, 24 ildən sonra ilk dəfə baş verəcək. Bu barədə “xc-ski.de” portalı məlumat yayıb.
İmtinaya səbəb maliyyələşmə ilə bağlı çətinliklərdir.
“Buna çox mürəkkəb televiziya və marketinq müqavilələri daxildir. Müəyyən sayda tədbirlər razılaşdırılır. Biz artıq qarşıya qoyduğumuz hədəfləri xeyli üstələmişik, ona görə də xizək sürmə, Nordic kombinasiyası və xizək krossu kimi “kiçik” növlər üzrə Dünya Kubokunun mərhələlərini keçirmək üçün xeyli əlavə xərclər çəkməli olacağıq”, – deyə Almaniya Xizək İdmanları Federasiyasının (DSV) nümayəndəsi Stefan Şvartsbax bildirib.
