Qəzza zolağına hücumların başladığı 7 oktyabr 2023-cü ildən bəri işğal altındakı İordan çayının qərb sahilində İsrail qüvvələri tərəfindən əsir alınan fələstinlilərin sayı 8755-ə çatıb.
BiG.AZ xəbər verir ki, Fələstin Məhbuslar Dərnəyi ilə Fələstin Azadlıq Təşkilatına bağlı Əsir və Azad Edilən Heyət tərəfindən edilən ortaq yazılı açıqlamada, oktyabrın 7-dən bəri işğal altındakı İordan çayının qərb sahilində İsrail əsgərlərinin həyata keçirdiyi həbslər barədə məlumat verilib.
İordan çayının qərb sahilindəki Hebron, Qalkilya, Nablus, Cenin və Tubas şəhərlərində son 24 saat ərzində İsrail əsgərlərinin 12 fələstinlini əsir götürdüyü bildirilib.
İsrail ordusunun Qəzza zolağına hücuma başladığı 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə fələstinlilərə qarşı hücumlar artıb.
BiG.Az
