Avropa Konfrans Liqasının 2-ci təsnifat mərhələsi çərçivəsində keçiriləcək “Sabah” – “Makkabi” (Hayfa) oyununa bilet satışı davam edir.
Arena.az xəbər verir ki, artıq bu oyuna 4500 bilet satılıb.
Bu barədə “bayquşlar”ın mətbuat xidməti məlumat yayıb.
Biletləri “iticket.az” saytından, həmçinin “iticket”in “28 Mall” və “Gənclik Mall”dakı satış məntəqələrindən əldə etmək olar.
Qeyd edək ki, sabah – iyulun 1-də “Masazır Arena”da keçiriləcək “Sabah” – “Makkabi” matçına saat 20:00-da start veriləcək. “Sabah” ilk oyunda İsrail klubunu 3:0 hesabıyla məğlub edib.
