İsmayıllıda evdə yanğın - Xəsarət alan var

İsmayıllıda yaşayış evi yanıb, bir nəfər yanıq xəsarəti alıb.

Bakıvaxtı.az xəbər verir ki, hadisə ötən gecə rayonun Mücühəftəran kəndində qeydə alınıb. 

Yanğın kənd sakini 1967-ci il təvəllüdlü İbrahimov İlahət Nurəhməd oğluna məxsus yaşayış evində baş verib.

Hadisə yerinə İsmayıllı rayon Yanğından Mühafizə Hissəsinin  yanğınsöndürən texnikaları cəlb olunub.

Yanğın zamanı ümumi sahəsi 160 k/m olan yaşayış evi içərisində olan əşyaları ilə birlikdə tamamilə yanıb. Yaxınlıqdakı tikililər yanğından mühafizə olunub.

Hadisə zamanı 1994-cü il təvəllüdlü İbrahimov Camal İlahət oğlu yüngül dərəcəli yanıq xəsarəti alıb.