Cənub-Şərqi Asiya Ölkələri Assosiasiyasının (ASEAN) Laosda keçirilən tədbirləri çərçivəsində Rusiya ilə ABŞ arasında heç bir təmas planlaşdırılmır.
Rusiya xarici işlər nazirinin müavini Andrey Rudenko bu barədə TASS-a bildirib.
"Heç bir əlaqə nəzərdə tutulmayıb", - nazir müavini bununla bağlı suala cavab verib.
Qeyd edək ki, Rusiyanın xarici işlər naziri Sergey Lavrov iyulun 26-27-də Laosun paytaxtında ASEAN xarici işlər nazirlərinin növbəti iclaslarında iştirak edəcək.
